Што е IML?

IML e кратенка од иницијалите на фразата „In Mould Labeling“, или етикетирање во калап. Наједноставно - претходно испечатена етикета во посакуваната форма се поставува во калап кој го има обликот на крајниот производ. Откако растопениот полипропилен ќе се нанесе во калапот истиот се спојува со етикетата, со што се добива финален декориран производ со висок квалитет на принт.

Со „In Mould Labeling“ целиот процес е попрецизен, поефикасен, поекономичен и потраен, а секако и дека заштедува повеќе време. Изработката на калапот и лепењето на етикетата се изведува во еднократен процес, а сето тоа резултира со одличен производ. Покрај високо квалитетното пакување, се добива траен производ со голема естетска вредност. Клучот на успехот лежи во синергијата меѓу калапот и етикетата.

„Пламтекс“ ги следи најновите трендови во производството, со што постојано го проширува асортиманот на своите производи, остварувајќи врвен квалитет. Етикетирањето во калап или IML е составен дел од понудата на нашaтa компанија.

Станува збор за нова, иновативна и прогресивна технологија која отвара нови хоризонти во процесот на етикетирање, со одлична репутација во областа.